माजी आमदार दगडू पाटील बडे यांचे निधन ; श्रद्धांजली अर्पण करताना नामदार पंकजाताई मुंडे.

मजूर संघटनांचे जाळे संपूर्ण राज्यात पसरवण्यासाठी त्यांनी मोठे परिश्रम घेतले. उसतोड मजुरांवर त्यांचा चांगला वचक होता. बबनराव ढाकणे व गोपीनाथ मुंडे यांनी उसतोड मजुरांसाठी  वेळोवेळी पुकारलेल्या आंदोलनात त्यांनी सक्रिय सहभाग नोंदविला होता.

Ex MLA Dagdu Patil BadeTheirs Dead

माजी आमदार दगडू पाराजी  बडे उर्फ दगडू पाटील (वय ७०)  यांचे शुक्रवारी निधन झाले. नगर  येथे खासगी रुग्णालयात त्यांच्यावर उपचार सुरू होते.चिंचपूर पांगुळ या गावी त्यांच्यावर आज अंत्यसंस्कार करण्यात येणार आहेत.पुणे येथील ज्येष्ठ विधिज्ञ बी. ई. आव्हाड यांचे ते मेव्हणे होते. दगडू पाटील बडे हे एकेकाळी माजी केंद्रीय मंत्री बबनराव ढाकणे खंदे समर्थक म्हणून ओळखले जात होते. ढाकणे यांनी उसतोड मजुरांसाठी स्थापन केलेल्या

मजूर संघटनांचे जाळे संपूर्ण राज्यात पसरवण्यासाठी त्यांनी मोठे परिश्रम घेतले. उसतोड मजुरांवर त्यांचा चांगला वचक होता. बबनराव ढाकणे व गोपीनाथ मुंडे यांनी उसतोड मजुरांसाठी  वेळोवेळी पुकारलेल्या आंदोलनात त्यांनी सक्रिय सहभाग नोंदविला होता.   राज्याच्या राजकारणात त्यांनी स्व. गोपीनाथ मुंडे व नंतर ग्रामविकास मंत्री पंकजा मुंडे यांना साथ दिली होती. १९९९ साली झालेल्या विधानसभा निवडणुकीत त्यांनी माजी केंद्रीय मंत्री बबनराव ढाकणे, माजी आमदार राजीव राजळे व चंद्रकांत म्हस्के यांचा पराभव केला होता. भाजपच्या कमळ या चिन्हावर निवडून आलेले ते पहिले आमदार होते. तालुक्यात भाजपचे कमळ फुलवण्यासाठीही त्यांनी मोठे परिश्रम घेतले.  तालुक्याच्या राजकारणात ते दगडू पाटील या नावाने परिचित होते.

आक्रमक राजकारणी म्हणूनही त्यांची ओळख होती. वेळप्रसंगी कोणावरही टीका करण्यास ते कचरत नसायचे. ते आमदार झाले असताना झालेल्या जिल्हा परिषदेच्या निवडणुकीत त्यांच्या पत्नी शिलाताई बडे या टाकळी मानूर गटातून जिल्ह्यात सर्वाधिक मतांनी निवडून आल्या होत्या. चिंचपूर पांगुळ लगत असलेला बेलपारा प्रकल्प होण्यासाठी त्यांनी मोठे योगदान दिले होते.   सहा महिन्यांपूर्वी अर्धांगवायूचा झटका त्यांना आला होता. मात्र, ते त्यातून सावरले होते. पुन्हा त्यांची तब्बेत खराब झाल्याने त्यांना उपचारासाठी नगर येथील एका खासगी रुग्णालयात दाखल करण्यात आले होते. मात्र, शुक्रवारी दुपारी त्यांची प्राणज्योत मालवली. त्यांच्या मागे दोन मुले, चार मुली, नातू, पणतू असा मोठा परिवार आहे.